Tá an iris "Pléaráca" ag teacht amach gach Fómhar ó 1991. Is cuid lárnach de fhéile bhliantúil Pléaráca Chonamara é foilsiú na hirise. Chomh maith le himeachtaí na féile a bheith fógraithe inti, bíonn altanna spéisiúla, grianghrafanna agus diaspóireachtaí foilsithe. Is minic ceisteanna conspóideacha a bhaineann le saol na Gaeltachta ardaithe san iris. Is féidir cóip den iris a ordú ó Phléaráca Teo.
Tonnta & Tonnta Eile
Seo cnuasach saothar de chuid Ciorcal Scríbhneoireachta Phléaráca Teo. Tagann an Ciorcal faoi Chlár Litríochta agus Drámaíochta don Óige Phléaráca Teo. Siad Máire Holmes and Jackie MacDonncha a oibríonn leis na daoine óga sa Ciorcal Scríbhneoireacht. Tagann an maoiniú don chlár ó Ealaín na Gaeltachta agus ó An Chomhairle Ealaíon.
Leabhair Bheartla Broc
Sraith leabhair ghaeilge do pháistí bunaithe ar an gcarachtar Beartla Broc agus a chairde. Tá dhá leabhar go dtí seo: "Beartla Broc & na Focail Draíochta" agus "Bon Voyage Beartla Broc".
Sí Gwyneth Uí Ghaora a scíobh an leabhar agus a rinne an obair ealaíona.
Idirmhná
Foilseachán de shaothar bhanscríbhneoirí Rosmuc. Grúpa ban a bhí páirteach i gceardlann scríbhneoireachta cruthaitheach a d'eagraigh Pléaráca faoi stiúir an fhile agus an scríbhneora Máire Holmes. Tá filíocht, gearrscéalta, píosaí seanchais agus béaloideas na h-áite sa leabhar chomh maith le sean-phaidreacha agus sean-fhocail.
Cartaí Ócáidí
Tá Pléaráca ag reachtáil ceardlanna ealaíne 'péintéireacht uiscedhath agus ola" i Rosmuc agus i gCill Chiaráin do dhaoine fásta ó 1993. Bíonn na ceardlanna ar siúl ó Mheán Fómhair go Cáisc. Sí Gwyneth Wynn Uí Ghaora, ealaíontóir ón mBreatain Bheag ó dhúchas a bhíonn i mbun na gceardlann. Tá cártaí Gaeilge i gcomhar gach ócáid déanta de shaothar ealaíne na gceardlann. Tá na cártaí dhá ndíol faoi an teideal "An Scuab Fhraoigh".
Tá na cártaí ar díol sna Cybercaifé/Leabharlann Rosmuc agus sna siopaí áitiúla. Is feidir pacáiste de 10 gcárta a cheannacht díreach ó Phléaráca Teo. ar chostas €20.00.
Samplaí cartaí ócaidí
 |
 |
 |
 |
 |
 |
 |
 |
 |
|
Pléaráca Chonamara Teo., Ionad Fiontair, Ros Muc, Co. na Gaillimhe.
Uimh.Guthán: 091-574346/574021 Faics: 091-574346
R-phost: plearaca@eircom.net
Cóipcheart © 2003 Pléaráca Chonamara Teo.
Uimh.Guthán: 091-574346/574021 Faics: 091-574346
R-phost: plearaca@eircom.net
Cóipcheart © 2003 Pléaráca Chonamara Teo.