Is le deontas faoi an scéim CAIT (Community Application of Information Technology) a bunaíodh an cyber caifé, An Caifé Cabach i 2001. Bhí VTOS Rosmuc páirteach le Pléaráca sa togra agus is iad a chuir traenáil ar fáil i gcomhar úsáid an idirlín agus e-phost. Fuair an eagraíocht tacaíocht ó Chumas Teo a chuir ar a gcumas an tseirbhís a bheith ar fáil don phobal tráthnóna agus ag an deireadh seachtaine.

Togra pílóiteach atá anseo idir Leabharlann Taistil Chomhairle Chontae na Gaillimhe agus Pléaráca Teo. Tá réimse maith leabhar Gaeilge agus Béarla ar fáil do gach aois ghrúpa. Is le tacaíocht ó Leabharlann Taistil Chomhairle Chontae na Gaillimhe a cuirtear é seo ar fáil.

Bhfuil do ghasúr Homógnéasach nó Leispiach?
Tá comhairle agus eolas le fáil faoi na seirbhísí tacaíochta is gaire.

Cuireann foréigean baile as do dhaoine ó gach aicme, aois, cúlra, creideamh, gnéas agus cultúr. Bunaíodh an Gréasán Pobail in aghaidh Foréigean Baile i 2001.

Tá Pléaráca páirteach sa ngréasán ón tús agus sé an aidhm atá againn ná:

• tacaíocht agus eolas a chur ar fáil do dhaoine a bhíonn ag fulaingt foréigean baile.
• Seirbhísí tacaíochta agus eolais a chur ar fáil go h-áitiúil.
• Eolas a scaipeadh faoi na seirbhísí atá ar fáil go h-Áitiúil, go Réigiúnach & go Náisiúnta.
• Feachtais eolais a eagrú go h-áitiúil le áird an phobail a tharraingt ar an gceist.
• Léargas a thabhairt ar céard is cúis le foréigean baile agus díriú ar bhealaigh éifeachtach le déileáil leis.
• Cleachtais a chothú a chinnteoidh comhionannas do gach duine.

Tá an tseirbhís a chuireann comhairle agus eolas ar fáil don phobal rúnda. Tá comhairle agus eolas le fáil faoi do chearta agus faoi na seirbhísí tacaíochta is gaire.